Kronprinsbesøk i Høyanger

Onsdag 27. september

Hans Kongelege Høyhet Kronprins Haakon besøker Sogn og Fjordane i Vestland i perioden 26.- til 28. september.

Fylkesbesøket startar i Aurland kommune den 26. september, og Lærdal får besøk på ettermiddagen. Onsdag besøker dei Sogndal kommune på føremiddagen og Høyanger kommune på ettermiddagen. Besøket i Høyanger varer i to timar. Fylkesbesøket vert avslutta torsdag 28. september 2023 med besøk til Solund kommune. Kongeskipet «Norge» vil bli nytta under fylkesturen.

Program for dagen
Industri og lokalt engasjement er tema for besøket i Høyanger. Høyanger før, no og etter.

kl. 16.00
Folkefest og velkomst på kommunekaia
Kongeskipet Norge vil kome til land og her blir dei mottekne med blomar og velkomsthelsing.
Talar frå H.K.H. Kronprinsen og vertskap. Underhaldningsinnslag – kor og korps deltek.

kl. 16.35
Vidare skal H.K.H. Kronprinsen:
– Inn Kloumanns allé og Parken for generasjons­samtale med inviterte gjester.
– Omvising på Hydro.

kl. 18.05
H.K.H. Kronprinsen tek avskjed med ordførar og går ombord på KS Norge.

Praktisk info
• Publikum bør møte opp i god tid – minst 15 minutt før.
• Hels gjerne Kongeskipet velkommen inn fjorden dersom du har båt.
• Ein oppmodar om å nytte parkeringsplassen ved Høyanger VGS og Hjetland barnehage under arrangementet.
• Kommunekaia og området rundt blir rigga for folkefest og kongebesøk. Delar av parken og kommunekaia vil vere avstengd den 26.- og 27. september.
• Det blir lagt opp til eige område for rullestolbrukarar ved scena.
• Vi håpar sjølvsagt på ei fin ramme med godt vestlandsvêr, god stemning, og at det blir mange flagg å sjå i bygda denne dagen.

Alle er hjarteleg velkomne!